ក្តាមសេះប្រមឹក

* គ្រឿងផ្សំមានដូចជា

- ក្តាមសេះ ២ ឬ ៣
- ខ្ញីម៉ដ្ឋ 80 ក្រាម
- ម្ទេស បី បួនផ្លែ
- ដើមខ្ទឹម 160 ក្រាម
- ទឹកឃ្មុំ 4 ស្លាបព្រាបាយ
- ស្រា 2 ស្លាបព្រាកន្លះ
- ទឹកស៊ីអ៊ីវ 2 ស្លាបព្រាកន្លះ
- ប្រេងល្ង 1 ស្លាបព្រាកាហ្វេ
- ប្រេងឆា 3 ស្លាបព្រាបាយ

* វិធីធ្វើ

- យកក្តាមសេះបកស្នូក យកស្រកីចេញ និង លាងទឹកអោយស្អាតរួចកាត់ជាដុំៗ ដាក់ចំហុយអោយឆ្អិនទើបស្រង់ ។
- ដាក់ប្រេងឆា ឬ ខ្លាញ់ចូលក្នុងខ្ទះរងចាំអោយខ្ទះក្តៅ ទើបចាក់ខ្ញីម៉ដ្ឋចូលបំពង បន្ទាប់មក ចាក់ក្តាមសេះដែលចំហុយហើយចូលក្នុងខ្ទះ ឆាត្រលប់ចុះឡើង ហើយយកដើមខ្ទឹមមកកាត់ជាកង់ៗប្រវែងប្រហែល2 ថ្នាំងដៃដាក់ចូលក្នុងខ្ទះ ដាក់ម្ទេស ដាក់ស្រា ដាក់គ្រឿងផ្សំរសជាតិ ស្ករស អំបិល ប៊ីចេង ឆាត្រលប់អោយសព្វ ដាក់ទឹកបន្តិចរួចបិទគម្របខ្ទះអោយជិតរំងាស់ប្រហែល 5នាទី រហូតទាល់តែចូលជាតិគ្នារួចស្រង់ដាក់ចានជាការស្រេច ៕