បង្គាបំពងផ្អែមហឹរ

* គ្រឿងផ្សំ

- បង្គាស្រស់
- ម៉្សៅបំពង
- ពងទា
- ទឹកត្រីកោះកុង ស្ករស អំបិល ប្រេងសណ្តែក មើមខ្ទឹម ។

* វិធីធ្វើ

- យកបង្គាមកបកសំបកទុកត្រឹមកន្ទុយបន្តិចហើយ ទុកមួយអន្លើរសិន ។
- ​​ យកម៉្សៅបំពងមកលាយទឹកនិងគោះពងទាដាក់ច្របល់គ្នាអោយខាប់ល្មម រួចយកបង្គាដែលបកសំបកហើយដាក់ចូលចានម៉្សៅបំពងដែលលាយរួចនោះ បន្ទាប់មកដាក់ខ្ទះចាក់ប្រេងសណ្តែកទុកអោយក្តៅបន្តិច រួចដាក់បង្គាបំពងអោយស្រួយ​ទុកមួយអន្លើសិន។
- បំពងខ្ទឹមស អោយឡើងក្រហមឈ្ងុយរួចចាក់ទឹកត្រីកោះកុងចូលតែកុំច្រើនពេកព្រោះវាអាចហឹរខ្លាំង ដាក់ស្ករស អំបិលបន្តិច​ ភ្លក់អោយល្មមផ្អែម ហឹរ តាមចំណង់ចិត្តទើបចាក់បង្គាបំពងចូល ត្រលប់ចុះ ត្រលប់ឡើងរួចដួសដាក់ចានជាការស្រេច ។

* បើលោកអ្នកចូលចិត្តបន្លែ អាចដាក់សាលាឡទ្រាប់ពីក្រោមបង្គាក៏បាន ៕