Adda ប្រត្តិកម្មអ្នកចម្រៀងចម្លងបទថៃ " ទាល់តែយូរទើបស៊ីអូនបាន " ឃើញហើយអាចក្អួតឈាម

Adda ប្រត្តិកម្មអ្នកចម្រៀងចម្លងបទថៃ ដាក់តែមួយម៉ាត់ ឃើញហើយអាចក្អួតឈាម

តារាចម្រៀងដែលចូលចិត្តបង្កើតបទ Original ច្រៀងគឺ អ្នកនាង Adda បានសរសេរ Status តែមួយម៉ាត់គត់ ជាមួយនឹងចម្រៀងដែលតារាចម្រៀងម្នាក់ ចម្លងមកពីបទថៃ ដែលកំពុងតែល្បីនាពេលបច្ចុប្បន្ន អាចធ្វើអោយ អ្នកចូលចិត្តចម្លងបទថៃ មកច្រៀង ក្អួតឈាមទាំងព្រឹកតែម្តង។ អ្នកនាង Adda បានសរសេរថា "RIP!  បេីកភ្នែកម៉ោលែងចង់ធ្វេីអីហ្មង this is not going to make my day I swear " ជាមួយបទចម្រៀង របស់កញ្ញា ម៉ាលីស ឡើងច្រៀងលើឆាក កម្មវិធី A1 Concert គឺបទ "ទាល់តែយូរទើបស៊ីអូនបាន"។
 

ចំពោះបទចម្រៀង របស់កញ្ញា ម៉ាលីស គឺជាបទចម្លងពីថៃ ដែលបទដើមមានចំណងជើងថា "Sai Va Si Bo Thim Kan" ដែលធ្លាប់បានបេក្ខនារីម្នាក់ យកមកច្រៀងប្រលងក្នុងកម្មវិធី The Voice ថែមទៀតផង។ ក្នុងនោះដែរ លោក ខាត់ ជេម និង លោក កែវ វាសនា ក៍បានចម្លងបទចម្រៀងមួយនេះ មកច្រៀងផងដែរ គឺបទ "បងមិនមែន Idol អូន" និងបទ "ស៊ីបានចេះតែស៊ីទៅ" ផ្ទុះការរិះគន់ម្តងរួចមកហើយដែរ។


គួរបញ្ជាក់ផងដែរថា មហាជនជាច្រើន កំពុងធ្វើការ រិះគន់យ៉ាងខ្លាំងចំពោះតារាចម្រៀង ខ្មែរដែលនិយមចម្លងបទបរទេសមកច្រៀង ហើយចំពោះបទ របស់កញ្ញា ម៉ាលីស ក៍ទទួលបានការរិះគន់យ៉ាងចាស់ដៃដែរ ដោយក្នុងនោះមានអ្នកខ្លះនិយាយថា "ចំលងគេមធ្យម ងំអត្តន័យចំរៀងស្មោគរោគ ធ្វើអោយអាប់យសតម្លៃខ្មែរ "៕